Ադրբեջանի դեսպանը սպառնացել է սպանել Հայաստանի դեսպանին. Politico

Հայաստանի դեսպանությունը պաշտոնական բողոք է ներկայացրել Բրյուսելում դիվանագիտական ​​այլ ներկայացուցչությունների հետ այն բանից հետո, երբ իր դեսպանը պնդել է, որ իր ադրբեջանցի գործընկերոջ կողմից սպանության սպառնալիքներ է ստացել, գրում է Politico-ն:

Հայաստանի դեսպան Տիգրան Բալայանը «բանավոր հարձակման և ահաբեկման է ենթարկվել» Ադրբեջանի դեսպան Վաքըֆ Սադիկովի կողմից, որը «բացահայտ սպառնալիքներ է հնչեցրել իր կյանքի դեմ»։

Նշվում է, որ միջադեպը տեղի է ունեցել Բրյուսելի Tangla հյուրանոցում ընդունելության ժամանակ, որը կազմակերպվել էր Թուրքիայի դեսպանատան կողմից՝ ի պատիվ երկրի ազգային տոնի: Ենթադրվում է, որ դա Անկարայի կողմից հովանավորվող առաջին գործողությունն էր, որին հրավիրվել էր Հայաստանի դեսպանը 2020 թվականին Ադրբեջանի՝ Արցախի վրա հարձակման ժամանակ։

Սադիկիովը Politico-ի հետ զրույցում հերքել է միջադեպը` ասելով, որ նման մեղադրանքները «ծիծաղելի են»: