Ես Անդրանիկ Քոչարյանին պաշտոնանկ անելու հարցով ոչ մի տեղ չեմ դիմել. Սիսակ Գաբրիելյան (տեսանյութ)
ՔաղաքականՉկա նման բան: Այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» կուսակցության պատգամավոր Սիսակ Գաբրիելյանը՝ անդրադառնալով հարցին, թե արդյոք որևէ դժգոհություն ունի Անդրանիկ Քոչարյանից:
«Ես որևէ դիմում որևէ տեղ՝ ՄԱԿ-ի գլխավոր քարտուղարին, «Քաղաքացիական պայմանագիր» կուսակցությանը, վարչությանը, խմբակցությանը, առանձին պատգամավորների, նույնիսկ ինքս ինձ նման բան չեմ գրել: Չկա նման նամակ, որով առաջարկել եմ պարոն Քոչարյանին կամ որևէ մեկ այլ անձի պաշտոնից հեռացնել»,- նշեց նա:
Նրա խոսքով՝ Անդրանիկ Քոչարյանի վերաբերյալ խմբակցությունում քննադատություն չկա․ «Ես խմբակցության անունից չեմ կարող խոսել, որովհետև խմաբկցության նիստը տեղի չի ունեցել, սակայն ես դժգոհություն չունեմ ՔՊ որևէ պատգամավորից, որովհետև դժգոհ լինել որևէ մեկից, կնշանակի դժգոհ լինել ինքս ինձանից»,- ընդգծեց Գաբրիելյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
