Մոսկվան Երևանին և Բաքվին չի դրդում հապճեպ խաղաղության պայմանագիր կնքել․ Լավրով
Արտաքին Քաղաքական
Ռուսական կողմը չի դրդում Երևանին և Բաքվին հապճեպ խաղաղության պայմանագիր կնքել, ՌԻԱ Նովոստիին ասել է ՌԴ արտգործնախարար Սերգեյ Լավրովը։
«Մենք ողջունում ենք ադրբեջանա-հայկական խաղաղ գործընթացի շրջանակներում ձեռք բերված զգալի առաջընթացը։ ՀՀաշվի առնելով երկար տարիների թշնամությունը, ռազմական գործողությունները և երկու կողմերի զոհերը՝ մենք հասկանում ենք, թե որքան դժվար է Բաքվի և Երևանի համար նորմալացման գործընթացում առաջընթացի հասնելը»,- ասել է ռուս նախարարը։
«Այս ամենը պահանջում է կողմերի ոչ միայն զգալի ջանքեր՝ փոխադարձաբար ընդունելի լուծումներ գտնելու համար, այլև ժամանակ։ Այդ իսկ պատճառով, ի տարբերություն արևմտյան կեղծ միջնորդների, մենք մեր գործընկերներին չենք դրդում հապճեպ խաղաղության պայմանագիր կնքել», - նշել է նա։
Լավրովի խոսքով՝ ռուսական կողմը վստահ է, որ «հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի, ընդհակառակը՝ կստեղծի լրացուցիչ լարվածություն, հակամարտության հնարավոր սրացում»:
«Ռուսաստանը շահագրգռված է Հարավային Կովկասում կայուն խաղաղությամբ և կայունությամբ»,- նշել է ՌԴ ԱԳՆ ղեկավարը։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
