Մթերքներ, որոնք դանդաղեցնում են ծերացումը
Հայտնի է, թե որ մթերքներն են օգնում դանդաղեցնել ծերացումը և բարելավել արտաքին տեսքը։ Այս մասին իր տելեգրամյան ալիքում խոսել է բժիշկ-թունաբան Միխայիլ Կուտուշովը։
Բժիշկը խորհուրդ է տվել սննդակարգում ներառել լոլիկ, գրեյպֆրուտ և քաղցր կարմիր պղպեղ, քանի որ դրանք պարունակում են հզոր հակաօքսիդանտ՝ լիկոպին։ Այս մթերքների օգտագործումը կբարելավի ձեր մաշկի վիճակը: Նրանց մեջ պարունակվող լիկոպինը գործում է որպես բնական հակատարիքային միջոց: Այն ուղղված է կնճիռների, կախված մաշկի, դեմքի գունատվածության և ծերացման այլ նշանների դեմ:
Կուտուշովի խոսքով, որպեսզի լոլիկի, գրեյպֆրուտի և քաղցր կարմիր պղպեղի սննդանյութերը հնարավորինս արագ և լավ ներծծվեն, անհրաժեշտ է դրանք համադրել ճարպերի հետ։ Բացի այդ, լիկոպինը բարենպաստ ազդեցություն ունի ոչ միայն մաշկի վիճակի, այլև սրտի և արյան անոթների վրա՝ նշում է մասնագետը։
«Լիկոպինը նվազեցնում է սիրտ-անոթային հիվանդությունների զարգացման ռիսկը։ Դա կապված է նաև խոլեստերինի մակարդակի իջեցման և արյան ճնշման բարելավման հետ»,- ասում է մասնագետը։
Այս հակաօքսիդանտն ունի նաև այլ օգտակար հատկություններ՝ այն պահպանում է ոսկորների ամրությունը, պաշտպանում է ուղեղը և բարելավում տեսողությունը:
Ամենադիտված 
ՀՀ ՊՆ–ն հայտարարություն է տարածել
