Պետք է դրվեն խիստ պայմաններ Սևանա լճում ձկան որսի չափաքանակի համար (տեսանյութ)
ՏեսանյութերԱզգային ժողովի տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովում քննարկվեց «Սևանա լճի մասին» օրենքում լրացումներ և փոփոխություններ կատարելու մասին նախագիծը: Նախագիծը ներկայացրեց ՀՀ շրջակա միջավայրի նախարարի տեղակալ Արա Մկրտչյանը։
Նախագծի ընդունումը պայմանավորված է Սևանա լճի մասին օրենքի 13-րդ հոդվածում սահմանված միջոցառումների իրականացման ընթացքում առաջացած օրենսդրական բացերով։ Արա Մկրտչյանը պարզաբանեց, որ «Սևանա լճի մասին» օրենքի շրջանակում տարեկան ծրագրի մշակումը պարտադիր է, և այդ ծրագրում ներառվում են Սևանա լճի կենսառեսուրսների, այդ թվում՝ ձկնային և խեցգետնային արդյունահանման տարեկան առավելագույն չափաքանակները։ Սակայն նշված չափաքանակները որոշվում են միայն համապատասխան ուսումնասիրությունների հիման վրա, որոնք իրականացվում են երկու փուլով՝ նոյեմբերին և հունիսին։
«Առաջարկվում է կառավարությանը լիազորություն տալ, որպեսզի յուրաքանչյուր տարվա համար, համապատասխան ուսումնասիրությունների արդյունքների հիման վրա, գործադիր մարմինը կարողանա հաստատել Սևանա լճում ձկան որսի չափաքանակները»,- ասաց Մկրտչյանը։
Հանձնաժողովը դրական եզրակացություն տվեց նախագծին։
Ամենադիտված 
Մնաս բարյավ. Րաֆֆի Հովհաննիսյան
