Գուրգեն Արսենյանը Մոսկվայում կմասնակցի ԱՊՀ երկրների ԱԽ քարտուղարների նիստին
Արտաքին Քաղաքական
Հինգշաբթի օրը Մոսկվայում տեղի կունենա ԱՊՀ անդամ երկրների Անվտանգության խորհուրդների քարտուղարների թվով 12-րդ հանդիպումը, որը կնախագահի ՌԴ Անվտանգության խորհրդի քարտուղար Սերգեյ Շոյգուն, «Ինտերֆաքսի» փոխանցմամբ՝ հայտնում է ՌԴ Անվտանգության խորհրդի մամուլի ծառայությունը։
«Շոյգուն հանդես կգա զեկույցով միջազգային, տարածաշրջանային և ազգային անվտանգության ոլորտում տիրող իրավիճակի մասին և կտեղեկացնի ԱՊՀ-ում մարտահրավերների ու սպառնալիքների դեմ պայքարի ոլորտում կատարված աշխատանքների վերաբերյալ»,- ասվում է հաղորդագրության մեջ։
Հանդիպմանը կմասնակցեն ԱՊՀ անդամ երկրների Անվտանգության խորհուրդների քարտուղարներ, ԱՊՀ գլխավոր քարտուղար Սերգեյ Լեբեդևը և ՀԱՊԿ գլխավոր քարտուղար Իմանգալի Տասմագամբետովը, ՌԴ-ում Հայաստանի դեսպան Գուրգեն Արսենյանը և Մոլդովայի Սոցիալիստների կուսակցության ներկայացուցիչ Մարսել Ցենուշան, հայտնել է մամուլի ծառայությունը։
Հաղորդվում է, որ հանդիպման ընթացքում առանձին կքննարկվեն տեղեկատվական անվտանգության խնդիրները և Աֆղանստանի հետ փոխգործակցությունը։ Օրակարգում ընդգրկված են նաև Հայրենական մեծ պատերազմի պատմական հիշողության պահպանմանն ուղղված ԱՊՀ անդամ երկրների համատեղ միջոցառումների վերաբերյալ հարցեր։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
