Թռուցիկների համար ձերբակալելուց հետո միևնույն է՝ մեր պայքարը շարունակվելու է․ 18-ամյա աղջիկն՝ իր և ընկերների ձերբակալման մասին (տեսանյութ)

Երկու դպրոցականներրին ապօրինի զենքի կասկածանքով ձեռնաշղթաներով բերման ենթարկելը մեծ աղմուկ բարձրացրեց հասարակական–քաղաքական դաշտում։

Քաղաքական հետապնդում որակվեց այս աղմկոտ ձերբակալությունը, քանի որ երկու անչափահաս աղջիկներն էլ Սրբազան պայքարի ակտիվ աջակիցներ են ու թիրախավորվել էին՝ թռուցիկների տարածման համար, ընդ որում նույն օրը շարժման աջակիցների մի խումբ 9 մարդիկ էին ձերբակալվել՝ դարձյալ օպերատիվ կեղծ տվյալների՝ զենք-զինամթերք ունենալու կասկածանքով:

Աղջիկները հրաժարվեցին խոսել Euromedia24․com-ի տեսախցկի առաջ, քաղաքական հետապնդման և միտումնավոր թիրախավորումից հետո խուսափում են իրենց դասընկերների և հարազատների միջավայրում նորից քննարկումների տեղի տալ։

Մարիամը Երևանի ավագ դպրոցներից մեկի 12-րդ դասարանում է սովորում։

Երևանում զբոսնելիս է եղել ընկերուհու հետ, երբ իրենց ոստիկաններ են մոտեցել ՝կտրուկ գործողությոններով անսպասելի ձերբակալել են և տարել ոստիկանական բաժանմունք։

Դպրոցահասակ աղջկա խոսքով՝ տղաներին ավելի կոպիտ ձևով են ձերբակալել, ընդ որում կրկին ձեռնաշղթաներ հագցնելով։ Ասում է՝ բացատրություն էինք պահանջում՝ ինչո՞ւ, ինչի՞ հիման վրա, բայց ոստիկանները բացատրություն չեն տվել։  

 6 ժամ աղջիկները պահվել են ոստիկանական բաժանմունքում, հետո ազատ են արձակվել իրավապահ համակարգի կեղծ օպերատիվ տվյալների հինավորումը չտալուց հետո։ 

Մարիամի խոսքով՝ իր համար սպասելի էր հայտնվել իրավապահների խոշորացույցի տակ։ 

18-ամյա դպրոցական աղջիկը վստահ է՝ այս ձերբակալությունները զուտ քաղաքական բնույթ են կրում, քանի որ շարժման ակտիվը գտնվում է իրավապահների խոշորացույցի տակ, իսկ իրենք՝ մի խումբ երիտասարդներ, քաղաքական դիրքորոշում ունեն և մշտապես ակտիվ մասնակցել են Սրբազան հոր գլխավորած հանրահավաքներին և քաղաքական ակցիաներին։  

Ի դեպ ձերբակալումից 6 օր անց դպրոցականներին հետ չեն վերադարձրել դեռ իրենց անձնական իրերը (հեռախոսները և այլ անձնական օգտագործման իրեր ,- խմբ․)։

«Բաժին հասնելուց ու մի քանի ժամ այնտեղ սպասելուց հետո նոր միայն մեզ ասացին, թե ինչու՞ են բերման ենթարկել, իբրև ապօրինի զենք պահելու կասկածանքով, այն էլ չհիմնավորվեց, այսինքն անօրինական էր։ 

Ես ու ընկերուհիս՝ Էլենը, մի քանի ժամ մնացինք ոստիկանությունում, իսկ նույն օրը մեր երկու երիտասարդ ընկերներին, տարան ՁՎՊ։ Էնտեղ մի քանի օր պահվելուց հետո ազատ արձակվեցին» ,- պատմեց Մարիամն՝ ընդգծելով, որ փաստաբանական ծառայություն  մատուցվել է՝ Հովհաննես Խուդոյանի կողմից, ու բացի այդ՝ նաև ընդդիմադիր պատգամավորներն են այցելել իրենց։

Մարիամը վստահեցնում է՝ ոստիկանական բռնաճնշումներով իրենց մոտ ոչինչ չի փոխվել, հաստատակամ են ու աննահանջ պայքարելու են, թեկուզ բերման ենթարկվեն։

«Փորձում են մեզ լռեցնել, սակայն մեր պայքարն այսքանով չի ավարտվելու, մեզ լռեցնելն անհնարին է։ Շարունակելու ենք պայքարը , իսկ իրավապահները ապօրինի գործելուց առաջ մի հատ թող մտածեն ու վերլուծեն՝ ի վերջո ո՞ւմ համար են աշխատում։ Մենք չենք հանձնվելու․․․» ,- եզրափակեց Մարիամը։

Մանրամասները` տեսանյութում