Մանկապիղծ խորթ հայրը բացահայտվել է, երբ 4-ամյա երեխան տիկնիկներին պատմել է կատարվածի մասին

ՌԴ Մոսկվայի մարզում մանկապիղծ խորթ հայրը բացահայտվել է տիկնիկների հետ խաղալիս իր «զոհի» տված խոստովանության արդյունքում, գրում է mk.ru-ն։

Վերջերս Մոսկվայի մարզի հյուսիս-արևելքում գտնվող քաղաքներից մեկում չորս տարեկան մի աղջիկ այցելել է տատիկին ու պապիկին։ Նրա 26-ամյա մայրը, ով այնտեղ է եղել, պատահաբար լսել է, թե ինչ է իր փոքրիկ դուստրը խոսում տիկնիկների հետ։ Կինը սկսել է երեխային հարցաքննել ու պարզել է, որ խորթ հայրը ստիպել է նրան «տարօրինակ խաղ խաղալ»։

Ինչպես նշվում է, 22-ամյա տղամարդը սկսել է ապրել մոր և դստեր հետ 2023 թվականի հոկտեմբերից։ Բոլորին թվացել է, թե խորթ հայրը իդեալական հարաբերություններ ունի խորթ դստեր հետ։ Նա պատրաստակամորեն ժամանակ է անցկացրել նրա հետ, վերցրել է նրան մանկապարտեզից և տեսանկարահանել զբոսանքի ժամանակ։ Սակայն, ինչպես հայտնի է դարձել տուժողի պատմությունից, այս ամբողջ ընթացքում տղամարդը բռնաբարել է նրան։

Աղջկա մայրը դստեր խոստովանությունը լսելուն պես դիմում է ներկայացրել ոստիկանություն։ Կասկածյալին շուտով բերման են ենթարկել։ Տղամարդու հարազատները վստահ են, որ նա կապ չունի այն ամենի հետ, ինչում նրան մեղադրում են։