Volkswagen-ն ԱՄՆ-ից հետ կկանչի ավելի քան 114 հազար ավտոմեքենա

Volkswagen ավտոարտադրողն ամերիկյան շուկայից հետ կկանչի 114,5 հազար ավտոմեքենա՝ անվտանգության բարձիկների հետ կապված խնդիրների պատճառով։ Այս մասին հայտնում է Reuters գործակալությունը՝ վկայակոչելով ԱՄՆ-ի ավտոճանապարհների երթեւեկության անվտանգության ազգային վարչության տվյալները։

Ըստ լրատվամիջոցի՝ հետկանչը կվերաբերի 2006-ից 2019 թվականների Beetle և Passat մոդելներին։ Կարգավորիչը նշում է, որ պատճառը եղել է վարորդի կողմից առջևի անվտանգության բարձիկի անսարքությունը, որը կարող է հանգեցնել բարձր ջերմաստիճանի ազդեցության տակ ինքնաբուխ գործարկման։

Ինչպես հայտնում է Reuters-ը, այս մեքենաների սեփականատերերը կարող են դիմել Volkswagen-ի դիլերներին՝ անսարք բաղադրիչների անվճար փոխարինման համար: