Իմ ազատության մասին մտածել պետք չի, ես ազատ եմ թեկուզ շղթաներով. Պողոսյան

Իմ անազատությունը ինձ համար մի նոր աշխարհ բացեց, մի աշխարհ, որը դուրս էր իմ շրջանակից՝ դատավորներ, քննիչներ ու ոստիկաններ տեսա, ովքեր հենարան էին չարիքի, մի աշխարհ, որտեղ բոլորն էին խղճուկ, տառապած, հաղթանակից ու արժանապատվությունից զրկված, օրվա հացից կառչած, պարգևավճար-ստրկավճարից կախված։

Չէ, տղերք, ձեզ այլ կերպ եմ ուզում տեսնել, շրջել եմ ուզում ձեր բոլորի արժանապատվությունը, վերականգնված եմ ուզում տեսնել, ձեզ խրոխտ ու պինդ տեսնել եմ ուզում։

Չէ՛, տղե՛րք, ճիվաղի տունը պահելով ձեր տունը չեք պահի, դուք տուն պահող չեք, քանզի ձեր տներն էլ են արդեն վաճառված, ձեր երեխաների ապագան էլ, չէ՛, տղե՛րք, տուն պահելը սահմանից է սկսվում, իսկ այն այլևս չկա․․

Իմ ազատության մասին մտածել պետք չի, ես ազատ եմ թեկուզ շղթաներով, ինքներդ ձեզ ազատեք ակամա հանցակիցը լինելուց։

Հ․Գ․ Ի վերջո ցանկացած գորգ վերածվում է փալասի, երբ նրա վրայով քայլում են․․․

Ձեր վրայով խոզ է քայլում։

Կարապետ Պողոսյան