Աշոտյանի գործը նորանկախ Հայաստանի պատմության ամենամեծ քաղաքական ֆարսերից է․ Նաիրա Զոհրաբյան
Հասարակություն
Արմեն Աշոտյանի գործը հավակնում է դառնալ նորանկախ Հայաստանի պատմության ամենամեծ քաղաքական ֆարսերից մեկը։ Այս մասին այսօր Արմեն Աշոտյանի գործով դատական նիստից առաջ լրագրողների հետ զրույցում ասաց ՀՀ ԱԺ նախկին պատգամավոր, «Ժողովրդավարություն և անվտանգություն» ՀԿ նախագահ Նաիրա Զոհրաբյանը։
«Աբսուրդ էր, որ երեկ Արդարադատության նորանշանակ նախարարը իր մուտքը այդ պաշտոնին մեկնարկում է անամոթ ստով՝ ասելով, որ Հայաստանում քաղաքական բանտարկյալներ չկան։ ԵԺԿ-ն իր բանաձևերում բազմիցս արձանագրել է ՀՀ-ում քաղաքական բանտարկյալների առկայությունը։ Անգամ Freedom House-ն է արձանագրել, որ Հայաստանում դատարանները անկախ չեն և ախտահարված են կոռուպցիայով։ Անգամ այս իշխանության ոչ պաշտոնական խոսնակ Հովիկ Աղազարյանը Քյարամյանի հետ դեբատում ասաց, որ կալանքը կիրառումում են որպես ճնշման միջոց, ցուցմունք կործելու գործիք»,- նշեց Զոհրաբյանը։
Նա նշեց, որ Աշոտյանն իր համոզմամբ քաղաքական թիվ 1 բանտարկյալն է․ «Այս գործն այնքան զավեշտ է, որ ես հետագայում առաջարկելու եմ այս գործը մտնի իրավաբանության դասագրքերում, թե ինչպես են սպիտակ թելերով կարվում քրեական գործերը»,- ասաց Զոհրաբյանը։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
