«Պետք է պատրաստ լինել ցանկացած նոր սադրանքի»․ Ալիևը նորից սպառնալիքներ է հնչեցրել Հայաստանի հասցեին

Հայաստանը պետք է հրաժարվի իր սպառազինության քաղաքականությունից, դրան պետք է վերջ տալ: Այս մասին ես բազմիցս խոսել եմ։ Եվ նրանք գիտեն, որ պետք է լսել իմ խոսքերը։ Նրանք պետք է հրաժարվեն դրանից, քանի դեռ ուշ չէ: Նրանք երբեք չեն կարողանա մրցել մեզ հետ, ադրբեջանական ԶԼՄ–ների փոխանցմամբ՝ հայտարարել է Ադրբեջանի նախագահ Իլհամ Ալիևը։

«Մենք պատերազմ չենք ուզում։ Մենք հասանք մեր ուզածին, ապահովեցինք մեր տարածքային ամբողջականությունն ու պետական ​​ինքնիշխանությունը»,- պնդել է նա։

«Մենք հիմա էլ պետք է պատրաստ լինենք ցանկացած նոր սադրանքի»,– հայտարարել է Ալիևը՝ ժողովրդին ուղղված իր ուղերձում։

Նրա խոսքով՝ «Ադրբեջանի զինված ուժերը ցանկացած պահի պատրաստ են հետ մղել սադրանքը». «Ցանկացած մեկը, ով կցանկանա նորից փորձարկել մեր ուժերը, նորից կպարտվի, կխայտառակվի»։

Ալիևը պնդել է, թե «հակաադրբեջանական ուժերը, որոնք չեն ցանկանում համակերպվել այս իրավիճակի հետ, իսլամատյացները, արևմտյան որոշ մայրաքաղաքներում նստած ադրբեջանաֆոբներն այսօր Հայաստանին նոր պատերազմի են հրահրում»։