Հարցը լուծեք, էսքան դետալների մեջ մի մտեք, փողը տվեք, եթե պարտք ենք, բայց օր առաջ մրցույթը հայտարարեք. Ավինյան (տեսանյութ)

Այս պահին ունենք մի քանի կարեւոր քայլ՝ առաջ գնալու համար: Այս մասին Երեւանի քաղաքապետարանի հերթական գործակարգավարական խորհրդակցության ժամանակ, անդրադառնալով Ծիծեռնակաբերդի սպորտային համալիրի տարածքում Ալբերտ Ազարյանի անվան մանկապատանեկան մարզադպրոցի նոր շենքի կառուցման համար մրցույթ հայտարարելու հարցին, ասաց քաղաքապետի խորհրդական Անետա Բաբայանը:

«Նախ վճարում իրականացնել փորձաքննող կազմակերպութանը, որն իր ստանձնած պայմանագրային պարտավորությունները կատարել է: Հաջորդը պետք է հասկանալ, կրկնակի պարզ փորձաքննության գնալու նախընտրելի ճանապարհը»,-ասաց նա:

Տիգրան Ավինյանն ընդհատեց նրան՝ ասելով. «Խնդրում եմ՝ այսքան դետալների մեջ մի մտեք, ուղղակի լուծեք էդ խնդիրը: Էն, ինչ պահանջվում է անել, արե՛ք, և րոպե առաջ մրցույթը հայտարարենք: Փողը տվեք, եթե փող ենք պարտք: Եթե պետք է այլ փորձաքննողի ուղարկեք՝ ուղարկե՛ք: Բայց էս դետալների մեջ ես չեմ կարծում, որ այս կազմով և բոլոր երևանցիներով մտնենք: Մեզ պետք է օր առաջ այս մցրույթը հայտարարել, ընդամենը այդքանը: Մնացածն արդեն ձեր խնդիրն է, պետք է լուծեք»: