Ոստիկաններն ու քննիչները հայտնաբերել են մահակով տղամարդուն մահ պատճառած ու ճողոպրած կասկածյալին

Երեկ՝ նոյեմբերի 10-ին, ՀՀ ներքին գործերի նախարարության ոստիկանության քրեական ոստիկանության գլխավոր վարչության, նույն վարչության Երևան քաղաքի քրեական վարչության ծառայողները՝ գլխավոր վարչության պետ, ՀՀ ՆԳՆ ոստիկանության պետի տեղակալ, ոստիկանության գնդապետ Վարդան Վարդանյանի, Երևանի քրեական ոստիկանության վարչության պետի պաշտոնակար Ռուբեն Դավթյանի, ՀՀ ՆԳՆ ոստիկանության համայնքային ոստիկանության գլխավոր վարչության Շենգավիթի բաժնի ծառայողները՝ բաժնի պետ Արթուր Մկրտչյանի և ՀՀ ՆԳՆ ոստիկանության քրեական ոստիկանության գլխավոր վարչության Արարատի մարզային քրեական վարչության ծառայողները՝ վարչության պետ Սարիբեկ Ռուստամյանի գլխավորությամբ, համագործակցելով ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժնի քննիչների հետ՝ բաժնի պետ Կարեն Փթուկյանի գլխավորությամբ, ձեռնարկելով օպերատիվ-հետախուզական և քննչական համատեղ հսկայածավալ գործողություններ, հայտնաբերել են Աերացիա թաղամասում գործող «Նոր Զովք» սուպերմարկետի դիմաց փայտե մահակով սպանած կասկածյալին:

Ինչպես հայտնում է ֆոտոլրագրող Գագիկ Շամշյանը, ոստիկանները սպանություն կատարող կասկածյալին, ով Երևանի բնակիչ 56-ամյա Արմեն Հակոբյանն է, հայտնաբերել են Արարատի մարզի Դարբնիկ գյուղում, որտեղ հայնաբերվել է նաև «Mercedes» մակնիշի ավտոմեքենան, որի միջից նա դուրս էր բերել բիտան ու դրանով հարվածել Երևանի բնակիչ Ս. Շահինյանին, ով տեղում մահացել էր:
Առավել մանրամասն՝ սկզբնաղբյուր կայքում։