Քանյե Ուեսթը որքան հնարավոր է շուտ երեխա է ցանկանում կնոջից՝ Բիանկա Սենսորիից

Քանյե Ուեսթը երեխա է ցանկանում կնոջից՝ Բիանկա Ցենսորիից, եւ որքան հնարավոր է շուտ, տեղեկացրել է In Touch-ը՝ հղում կատարելով աղբյուրին։

«Քանյեն ասում է, որ իր ամուսնության մեջ երբեք ոչ մի խնդիր չի եղել, բայց իրականությունն այնպիսին է, որ նրանք իսկապես բախվել են դժվարությունների»,-նշել է ինսայդերը։

Հոկտեմբերին պարբերականները գրեցին, որ Քանյեն եւ Բիանկան ամուսնալուծության շեմին են։ Սակայն ավելի ուշ ի հայտ եկավ զույգի լուսանկարը, որտեղ ոչ մի ակնհայտ նշան չկար, որ նրանց միջեւ տարաձայնություններ կան։

Ինսայդերի խոսքով՝ այն ժամանակ նրանց համար իսկապես դժվար շրջան էր, եւ «Քանյեի կողմից զգալի ջանքեր էին պահանջվում, որպեսզի փոխեր ամեն ինչ, բայց «հիմա, երբ ամեն բան հարթվել է, նա նպատակադրվել է, որ Բիանկան հղիանա որքան հնարավոր է շուտ»։

«Նա միշտ շատ երեխաներ է ցանկացել, եւ պատճառներից մեկը, որի համար նա ամուսնացել է Բիանկայի հետ, նրա հիանալի գենետիկան է, Քանյեն համոզված է, որ իրենք սուպերերեխաներ կունենան, նա միշտ պարծենում է դրանով»։