Չէի ասի, որ ամեն օր իմ աշխատավայր գնալը սխրանք է, սակայն ինչ-որ հերոսական բան դրանում կա․ Վահե Հովհաննիսյան

ՀՀ 2025 թվականի պետական բյուջեն բացառապես թվերի, տոկոսային հարաբերակցությունների կամ կանխատեսումների համախումբ չէ, այն մեր բոլորի, իրական Հայաստանի քաղաքացիների մասին է, ովքեր ձևավորում են մեր երկրի ներկան և ապագան: Այս մասին ԱԺ-ի իր ելույթում ասաց հիմնական զեկուցող, ՀՀ ֆինանսների նախարար Վահե Հովհաննիսյանը:

Նա նշեց, որ ՀՀ բյուջեն ձևավորվում է Հայաստանի շուրջ 750 հազար քաղաքացիների և օտարազգիների, ինչպես նաև 130 հազար տնտեսվարողների վճարած հարկերի շնորհիվ․ «Հերոս չե՞ն արդյոք այս մարդիկ։ Հերոս չէ՞ արդյոք այն գործարարը, ով իր սեփական տունը գրավ դնելով խիզախում է բիզնես հիմնել և հաջողելով ապրանքներ ու խառայութուններ է առաջարկում հանրությանը»

Նախարարի խոսքով՝ սրա հետ մեկտեղ կան նաև մարդիկ, ձեռներեցներ, որոնք ցանկանում են արտոնյալ լինել և ընդդիմանում են, երբ փորձում են վերականգնել արդարությունը։