Մենք ամեն ինչ պետք է անենք, որպեսզի հասնենք խաղաղության, այլ տարբերակ չկա. Սիսակ Գաբրիելյան

ԱԺ ՔՊ խմբակցության պատգամավոր Սիսակ Գաբրիելյանը, պատասխանելով Ադրբեջանի նախագահ Իլհամ Ալիևի հայտարարություններին ՀՀ-ի կողմից արձագանքի վերաբերյալ հարցին, կարծիք է հայտնել, թե պաշտոնական Երևանը չի լռում։

«Իմ տպավորությամբ՝ կա արձագանք, և այդ արձագանքը գրեթե ամենօրյա է: Այսինքն՝ եթե լինում է սպառնալիք, լինում է նաև դրան պատասխան, և ոչ միայն մեր կողմից, այլև մեր միջազգային գործընկերների կողմից»,- նշեց նա:

Պատգամավորի խոսքով՝ պետք է անել ամեն ինչ՝ խաղաղության հասնելու համար, որովհետև, ըստ նրա, զարգացման համար այլ տարբերակ չկա․

«Չափազանց կարևոր է, որպեսզի երկրում լինի խաղաղություն, այսինքն՝ առանց դրա չկա կայուն և երկարատև զարգացում, և սա մեր ծրագիրն է: Մեր նպատակը դա է, որ ամեն ինչ անենք, որ հասնենք դրան»,- նշել է Գաբրիելյանը: