Թրամփի՝ պետքարտուղարի պաշտոնում Մարկո Ռուբիոյի նշանակումը «վատ նորություն է» Անկարայի համար․ վերլուծաբան

Թրամփի՝ պետքարտուղարի պաշտոնում Մարկո Ռուբիոյի նշանակումը լավ նորություն չէ Անկարայի համար։ Այս մասին X-ի իր միկրոբլոգում գրել է Մերձավոր Արևելքի թուրքական բյուրոյի ղեկավար Ռագըփ Սոյլուն։

«Մարկո Ռուբիոն

▪️Կանոնավոր կապեր է պահպանում գյուլենականների, այդ թվում՝ Էնես Կանտերի հետ։

▪️Կտրականապես դեմ է եղել 2019 թվականին Սիրիա թուրքական ներխուժմանը և զորքերը դուրս բերելու Թրամփի որոշմանը։

▪️Քննադատում է Մադուրո-Էրդողան հարաբերությունները։

▪️Թուրքիայի մասին այնպիսի ավտորիտար ընկալումներ ունի, որքան Ռուսաստանը, Չինաստանը և Վենեսուելան»,-գրել է Սոյլուն։

Ավելի վաղ հայտնել ենք, որ ԱՄՆ ԶԼՄ-ների հաղորդմամբ՝ Դոնալդ Թրամփի գլխավորած նոր վարչակազմում ԱՄՆ պետքարտուղարի պաշտոնը կարող է զբաղեցնել սենատոր Մարկո Ռուբիոն։ Ռուբիոն հայտնի է՝ որպես Ռուսաստանի դեմ պատժամիջոցների հետևողական կողմնակից։ 2014 թվականին նա առաջարկել է ռուսական բանկերն անջատել միջազգային SWIFT համակարգից։ Դեմ է արտահայտվել Արցախի դեմ Բաքվի գործողություններից հետո Ադրբեջանին ֆինանսական միջոցներ տրամադրելուն: Սենատորը նաև սատարել է 2023 թվականին Սենատի կողմից ընդունված Հայաստանի պաշտպանության «S․3000» ակտի ընդունմանը: