Աննա Հակոբյանը ռուսաստանաբնակ գործարարի կնոջ հաշվի՞ն է Տանզանիա գնացել. հարց՝ Հրաչյա Հակոբյանին (տեսանյութ)
Քաղաքական«Արդյո՞ք վարչապետի տիկին Աննա Հակոբյանի Տանզանիա ուղևորությունը եղել է պետական բյուջեի հաշվին»,– ԱԺ-ում այսօր՝ նոյեմբերի 12-ին, ՔՊ-ական պատգամավոր Հրաչյա Հակոբյանին այս հարցն են տվել լրագրողները։
Ի պատասխան սրան, Հակոբյանն ասաց․ «Ես կարող եմ վստահեցնել, որ Աննա Հակոբյանի այցը բյուջեի հաշվին չի եղել: Աննա Հակոբյանն իմ քույրն է, ես վստահ եմ, որ նա բյուջեի հաշվին չէր գնա որևէ անձնական այցի»։
«2026 թվականին տեղի կունենան խորհրդարանական ընտրություններ, հասարակությունն իր վերաբերմունքը, այդ թվում նաև Տանզանիայի այս այցի հետ կապված, իր քվեով ցույց կտա: Եթե սա մի այնպիսի մեծ երևույթ է, որով որևէ մեկը կարող է իրադարձություն դարձնել և քաղաքական կապիտալ, թող դարձնեն» ,- շեշտեց պատգամավորը։
«Արդեն ասացի՝ 2026 թվականին մեր քաղաքացիներն իրենց գնահատականը կտան նաև այդ հարցի շուրջ» ,- եզրափակեց Հակոբյանը։
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
