Եթե ուզում ես շատ արտահայտել քո սերը Մասիսի նկատմամբ, ասա «ես թուրքերի Մասիս սարն եմ սիրում», խնդիր չի առաջանա հարևանների հետ․ Ռուստամյան (տեսանյութ)
Քաղաքական«Հարց է առաջանալու՝ ՀՀ ո՞ր քաղաքացիներն են կառավարության համար համարվելու «իրական Հայաստանի» քաղաքացիներ, որոնք՝ ոչ։ Այս առումով սա շատ խորը գնացող հետևությունների տեղիք է տալիս՝ ինչպես է դա տարանջատվելու: Եթե ՀՀ քաղաքացին և «իրական Հայաստանի» քաղաքացին նույնն է, էդ դեպքում ինչո՞ւ եք «իրական» բառը մեջտեղ բերել»,- ԱԺ-ում հարց բարձրացրեց «Հայաստան» խմբակցության պատգամավոր Արմեն Ռուստամյանը։
Նրա խոսքով՝ ըստ հայտարարությունների՝ ՀՀ այն քաղաքացիները, որոնք իրենց տանն ունեն Արարատ լեռան նկարը, պրոբլեմ են ունենալու, որովհետև Արարատը պետք է արագ փոխարինվի Արագած լեռով․ «Օրինակ, եթե արտասանեն «Ես իմ անուշ Հայաստանի» բանաստեղծությունը ու հասնեն այն տողին, որ «Աշխարհ անցիր, Արարատի նման ճերմակ գագաթ չկա, որպես անհաս փառքի ճամփա` ես իմ Մասիս սարն եմ սիրում», կասեն` ո՞նց թե քո Մասիս սարը: Ո՞վ ասաց, որ Մասիս սարը քոնն է, իսկ եթե ուզում ես շատ արտահայտել քո սերը Մասիսի նկատմամբ, ասա, որ «ես թուրքերի Մասիս սարն եմ սիրում», կլինի շատ ճիշտ, խնդիր չի առաջացնի հարևանների հետ»,- նշեց Ռուստամյանը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
