Կողոպտել են ՔՈԱՖ-ի Լոռու այցելուների կենտրոնը
Հասարակություն
Նախորդ գիշեր կողոպուտի է ենթարկվել «Հայաստանի մանուկներ» հիմնադրամի (ՔՈԱՖ) Լոռու մարզում գտնվող Այցելուների կենտրոնը: Այս մասին տեղեկացանք հիմնադրամի տարածած հաղորդագրությունից:
«Բարեգործական կառույց և սոցիալական ձեռնարկատիրություն, որի գործունեությունն ու ողջ հասույթն ուղղված է Լոռու մարզի և Հայաստանի մանուկների հզորացմանը։ Այցելուների կենտրոնը տարիներ շարունակ նպաստել է Դեբեդի կիրճի տարածաշրջանի զբոսաշրջային պոտենցիալի զարգացմանը, որպես վաճառքի հարթակ է ծառայել մարզում գործող մի քանի տասնյակ ձեռներեցների համար` հասանելի դարձնելով տեղական արտադրանքը զբոսաշրջիկների համար։ Կողոպուտի հետևանքով հիմնադրամին հասցվել է էական վնաս։
Այս հանցանքը պարզապես նյութական արժեքների մասին չէ, սա գողություն է մեր երկրի ապագայից, այսօրվա Հայաստանի մանուկներից և գալիք սերունդներից, որոնց համար մեր հիմնադրամն ամեն օր իրենց երազանքներին հասնելու հնարավորություն է ստեղծում արդեն 20 տարի:
Խստորեն դատապարտում ենք կատարված հանցագործությունը, որն ուղղակիորեն հարվածում է ՔՈԱՖ-ի և մեր հիմնադրամի հարյուրավոր աջակիցների բարեգործական ջանքերին»,- նշված է հաղորդագրության մեջ:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
