Մելիքբեկյանի մնալու ամեն օրը մեր ֆուտբոլը թաղում է ավելի մեծ խնդիրների մեջ․ Շիրակի անդրադարձը հավաքականի պարտությանը

Գյումրու «Շիրակը» անդրադարձել է Հայաստանի ազգային հավաքականի պարտությանը՝ Ազգերի լիգայի խաղարկության 5-րդ տուրի Ֆարերյան կղզիների դեմ խաղում (0:1):

«Ինչպես և ասել ենք. Մելիքբեկյանի մնալու ամեն օրը մեր ֆուտբոլը թաղում է ավելի մեծ խնդիրների մեջ»,- ասված է ակումբի տարածած հայտարարության մեջ։

Հիշեցնենք, որ Գյումրին ներկայացնող ակումբը ավելի վաղ հայտարարել էր, որ միացել է «Փյունիկի» և «Ուրարտուի» ՀՖՖ նախագահ Արմեն Մելիքբեկյանի հրաժարականի պահանջին։