Ոնց որ քյասիբի ռադիո լինեմ, իմ համբերության բաժակը լցվել է, ո՞վ է ում ձեռք առնում․ Փաշինյան (տեսանյութ)

«Իմ համբերության բաժակը լցվել է». Նիկոլ Փաշինյանը Կառավարության նիստին դժգոհեց իրավապահ մարմինների աշխատանքի արդյունքներից:

«Ի հեճուկս թոշակների, սոցիալական խնդիրների՝ մենք աշխատավարձեր ենք բարձրացրել իրավապահ մարմիններում, կառույցներ ենք ստեղծել, սարքեր, ավտոմեքենաներ ենք առել, օրենքներ ենք փոխել, բայց չունենք բացատրություններ։ Մարդիկ չեն հավատում, որ բոլոր այդ բեմականացումների սցենարների տակ ես չեմ ստորագրել։ Ես չեմ ուզում հասնենք նրան, որ մենք գնանք, նորից շենքեր շրջափակենք։ Կոռուպցիոներները սրճարաններում առավոտից երեկո քեֆ են անում։ Ի՞նչն ենք սխալ անում, ի՞նչ չենք տվել մեր իրավապահներին: 

Դատական, իրավապահ, ուժային կառույցների հարգելի ներկայացուցիչներ, իմ համբերության բաժակը լցվել է։ Ես ուղիղ բոլորիդ ասում եմ, կարծես՝ քյասիբի ռադիո լինեմ։ Գալիս եմ ձեր միջոցառումներին, ելույթ ունենում, ծափ եք տալիս, հետո հաջորդ տարի նորից գալիս եմ, նույն ելույթը, ավելի ուժգին եք ծափահարում…ո՞վ է ում ձեռ առնում։ Սրա վերջը եկել է, ես էլ բան չունեմ տալու։ Ինչ ինձնից ուզել եք, տվել եմ, ես որ գյուղ մտնում եմ, ասում են, որ այն ժամանակ էլ էին ինչ-որ մեկից վախենում, հիմա էլ»,- հայտարարեց վարչապետը։