ԱՄՆ-ում հայերն արջի հագուստով քերծել են մեքենաները՝ խոշոր փոխհատուցում ստանալու նպատակով․ նրանք ձերբակալվել են (տեսանյութ)
ԱյլԱՄՆ-ում հայեր են ձերբակալվել, ովքեր փորձել են անսովոր կերպով խաբել ապահովագրական ընկերությանն ու խոշոր փոխհատուցում ստանալ, հայտնում է ABC 7-ը։
Չորեքշաբթի օրը՝ նոյեմբերի 13-ին, Կալիֆորնիայում խարդախության գործով չորս մարդ է ձերբակալվել՝ 26-ամյա Ռուբեն Թամրազյանը, 39-ամյա Արարատ Չիրկինյանը, 32-ամյա Վահե Մուրադխանյանը և 39-ամյա Ալֆիյա Ցուկերմանը։
Կասկածյալներն ապահովագրական պահանջներ են ներկայացրել ընկերությանը և պահանջել վճարում այն բանից հետո, երբ արջը, իբր, 2024 թվականի հունվարի 28-ին մտել է իրենց՝ 2010 թվականի Rolls-Royce Ghost մակնիշի ավտոմեքենայի մեջ և ճանկերով քերծել սրահը: Նրանք ընկերությանը տրամադրել են տեսանյութ, որում երևում է, թե ինչպես է «արջը» վնասում թանկարժեք մեքենայի սրահը։
Սակայն, մանրամասն ուսումնասիրությունից հետո պարզվել է, որ «արջն» իրականում արջի կոստյումով մարդ է, ինչի մասին մասնագետները հայտնել են ոստիկանությանը:
Համոզվելու համար, որ իրենց կասկածներն արդարացված են, քննիչները օգնություն են խնդրել Կալիֆորնիայի՝ Ձկների և վայրի բնության դեպարտամենտի կենսաբաններից, որոնք ուսումնասիրել են կեղծ հարձակումների բոլոր երեք տեսագրությունները և եզրակացրել, որ դրանցում «ակնհայտորեն արջի հագուստով մարդ է»:
Հայտնաբերվել են նաև երկու այլ հայցեր՝ ներկայացված տարբեր ապահովագրական ընկերությունների՝ նույն հայտատուների կողմից՝ նույն վայրով և ամսաթվով: Ճիշտ է, դրանցում այլ մեքենաներ էին՝ 2015 թվականի «Mercedes G63 AMG» և 2022 թվականի «Mercedes E350»։ Այս հայցերն ուղեկցվել են նմանատիպ տեսագրություններով, որոնցում պատկերված էր, թե ինչպես է «արջը» քերծում սրահը։
Չորս կասկածյալը՝ Գլենդելի բնակիչներ Ռուբեն Թամրազյանը, Արարատ Չիրկինյանը, Վահե Մուրադխանյանը և Վալլի գյուղի բնակիչ հրեա Ալֆիյա Ցուկերմանը ձերբակալվել են Գլենդելի ոստիկանության և Կալիֆորնիայի մայրուղու պարեկության աջակցությամբ:
ՈՒՂԻՂ ԵԹԵՐ
Ամենադիտված 
Հայկական հարսանիքին օձը փորձել է կծել հարսին (տեսանյութ)
