Թրամփը Սպիտակ տան մամուլի քարտուղար է նշանակել Քերոլայն Լևիթին

ԱՄՆ նորընտիր նախագահ Դոնալդ Թրամփը հայտարարել է Քերոլայն Լևիթին (Caroline Leavitt) Սպիտակ տան մամուլի քարտուղարի պաշտոնում նշանակելու մասին։ Ասվում է Հանրապետականի՝ անցումային թիմի հայտարարության մեջ։ Այս մասին գրել է Euromedia24.com-ը հղում անելով տելեգրամյան ալիքներին:

 

Լևիթը նախկինում զբաղեցրել է Թրամփի նախընտրական շտաբի խոսնակի պաշտոնը և նրա նախորդ վարչակազմում եղել է մամուլի քարտուղարի օգնականը:

 

27-ամյա Լևիթը կդառնա Սպիտակ տան ամենաերիտասարդ մամուլի քարտուղարը՝ գերազանցելով Ռոն Զիգլերի (Ron Ziegler) ռեկորդը, ով աշխատանքի է անցել նախագահ Ռիչարդ Նիքսոնի օրոք՝ 29 տարեկանում։