Հանածո վառելիքի լոբբիստները Բաքվում կլիմայի վերաբերյալ բանակցությունների ժամանակ գերազանցում են գրեթե բոլոր երկրների պատվիրակություններին. The Guardian

Վերլուծությունը ցույց է տալիս, որ հանածո վառելիքի լոբբիստները Բաքվում կլիմայի վերաբերյալ բանակցությունների ժամանակ գերազանցում են գրեթե բոլոր երկրների պատվիրակություններին: Այս մասին` Euromedia24.com-ի փոխանցմամբ, հայտնում է The Guardian-ը։ 

 

Ածուխի, նավթի և գազի ավելի քան 1700 լոբբիստներ մուտք են գործել Cop29, ասվում է զեկույցում:

 

Կլիմայական առումով առավել խոցելի 10 երկրներն, ընդհանուր առմամբ, բանակցություններին ունեն ընդամենը 1033 պատվիրակ:

 

«Արդյունաբերության առկայությունը ստվերում է կլիմայական ճգնաժամի առաջին գծում գտնվողներին»,-ասվում է վերլուծության մեջ:

 

Եզրակացությունն արվել է կլիմայական գագաթնաժողովի առաջին շաբաթվա ընթացքում։ Բանակցությունների սկսվելուց մի քանի օր առաջ  Ադրբեջանի էներգետիկայի փոխնախարար և Cop29-ի գործադիր տնօրեն Էլնուր Սուլթանովը (Elnur Sultanov) համաձայնել է հեշտացնել բանակցություններում նավթային գործարքները:

 

 

Հանածո վառելիքի շատ լոբբիստներ մուտք են գործել Cop29 առևտրային ասոցիացիաների միջոցով: Արտանետումների առևտրի միջազգային ասոցիացիան ուներ ամենամեծ թվով մասնակիցներ՝ 43 ներկայացուցիչներ նավթային խոշոր ընկերություններից, ինչպիսիք են TotalEnergies-ը և Glencore-ը:

 

COP-ի գագաթնաժողովները «այլևս չեն ծառայում նպատակին», ասել են կլիմայի քաղաքականության առաջատար փորձագետները: Առավել մանրամասն՝ այստեղ։