Հետաքրքիր սերիալներ, որոնք կարող եք դիտած չլինել

«Գահերի խաղը», «Վիշապի տունը», «Կաղամարի խաղը», «Թագուհու քայլը», «Բրիջերթոնները» վերջին տարիներին աղմուկ հանած սերիալների ընդամենը փոքր մասն են։ Սակայն թրենդների իրարանցման մեջ հեշտ է բաց թողնել ոչ այնքան հայփային կինեմատոգրաֆիական աշխատանքներ, որոնք արժանի են լայն լսարանի ուշադրությանը։ Այսօրվա հրապարակման մեջ կպատմենք վերջին տարիների ուշադրության արժանի սերիալների մասին, որոնք հնարավոր է, որ դիտած չլինեք։

«Թեդ Լասո» (2020-2023)՝ երգիծական սերիալ ֆուտբոլի լավատես ու մոլի մարզչի մասին, որին բոլորը համարում են հիմար եւ թերագնահատում են։

Թեթեւ սերիալը կհիշենցի այն մասին, որ լավատեսությունը թուլություն չէ, այլ խելահեղ աշխարհում ապրելու եւ չխենթանալու լավ միջոց։

«Ձեր պատիվը» (2020)՝ քրեական դրամա այն մասին, թե ինչպես է դաշնային դատավորը փորձում թաքցնել իր որդու հանցագործությունը։

Սերիալը բարձրացնում է խղճի եւ պարտքի բարոյական հարցեր՝ կշեռքի մյուս նժարին դնելով սերը եւ իր երեխային փրկելու ցանկությունը։

«Մեյրը Իսթաունից» (2021)՝  մինի-սերիալ Քեյթ Ուինսլեթի հետ, որը կատարում է անձնական կյանքում խնդիրներ ունեցող դետեկտիվի դերը։

Սերիալը պարուրված է կարիերայի եւ սիրո երկճյուղմամբ, որոնց միջեւ տեղը չի գտնում գլխավոր հերոսուհին։

«Ուրվականներ» (2021)՝ երգիծական սերիալ երիտասարդ զույգի մասին, որը մտել է ուրվականներով տուն, որոնց հետ շուտով սկսում է կիսել առօրյան։

Ֆենթեզի-կոմեդիան հիանալիորեն հարմար է գալիք սառը երեկոների համար։

«Տեսարաններ ամուսնական կյանքից» (2021)՝ սերիալ Ջեսիկա Չեսթեյնի եւ Օսկար Այզեկի հետ, ըստ Բրեգմանի դրամայի ամուսնական զույգի մասին, որը ծանր բաժանում է ունեցել։

Սիրո մասին գեղեցիկ եւ լարված դրաման կատարելապես հարմար է ինքնաթերապիայի համար սիրո գործերում անհաջողություններից հետո։

«Բաժանում» (2022)՝ ֆանտաստիկ թրիլեր այն մասին, թե ինչպես է կորպորացիան գտնում աշխատակիցների աշխատանքային եւ անձնական հուշերը բաժանելու միջոցը, որպեսզի բարձրացնի նրանց աշխատանքի արդյունավետությունը՝ վայ-գործատուների էկրան բարձրացված երազանքը եւ աշխատողների ամենամեծ վախերից մեկը։

«Հարվի քույրերի դավադրությունը» (2022)՝ Ագաթա Քրիստիի դետեկտիվների ժամանակակցի նոստալգիա։ Սերիալը հինգ քույրերի մասին է, որոնք դառնում են կասկածյալներ իրենց փեսայի սպանության մեջ։

Մթնոլորտ ստեղծող սերիալ աբյուզիվ (նվաստացուցիչ) հարաբերությունների մասին, լի սեւ հումորով։

«Բացարձակ չարիք» (2023)՝ մռայլ դրամա բռնության եւ այն մասին, թե ինչպես է անտարբեր եւ դաժան հասարակությունը մոլագարներ աճեցնում։

Սերիալը բարձրացնում է բուլինգի, գազլայթինգի եւ ընտանեկան բռնության կարեւոր հարցեր՝ ցուցադրելով հասարակության արատները։

«Քիմիայի դասեր» (2023)՝ 50-ականներ, «խոհանոցում կանանց համապարփակ տեղի» դարաշրջան։ Սերիալի հերոսուհին երազում է դառնալ գիտնական, բայց տղամարդկանց աշխարհում համաձայնում են նրան հատկացնել միայն խոհանոցային շոուի հաղորդավարի դերը։

Կինը որսում է շանսը եւ բաղադրատոմսերի ընդմիջման արանքում տնային տնտեսուհիների համար բացում գիտության ոգեշնչող աշխարհը։

Աղբյուր` news.am