Կնոջ պայուսակ գողացած 18-ամյա երիտասարդը ձերբակալվել է

SHAMSHYAN.com-ի տեղեկություններով՝ նոյեմբերի 15-ին ՀՀ ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժնի ծառայողները՝ բաժնի պետ Արթուր Մկրտչյանի, բաժնի պետի տեղակալ Ա․ Միքայելյանի գլխավորությամբ ձեռնարկելով անհրաժեշտ միջոցառումներ ապա օպերատիվ տվյալներն իրացնելով Շենգավիթ վարչական տարածքում հայտնաբերել և կողոպուտ կատարելու հիմնավոր կասկածի առկայության հիմքով ձերբակալել և ոստիկանության Շենգավիթի բաժին են տեղափոխել Երևանի բնակիչ 18-ամյա Բորիս Պ․-ին։ 

Ինչպես հայտնում է ֆոտոլրագրող Գագիկ Շամշյանը, նոյեմբերի 14-ին, ՀՀ ՆԳՆ ոստիկանության օպերատիվ կառավարման կենտրոն էր ահազանգել Երևանի բնակիչ 20-ամյա Արմինե Կ․-ն և հայտնել, որ նույն օրը ժամը 20։10-ի սահմաններում իրեն անծանոթ և անհայտ անձը Գարեգին Նժդեհի փողոցի թիվ 5-րդ շենքի մոտ իր ձեռքից բացահայտ հափշտակել է կաշվե պայուսակը։

Ահազանգով Արմինե Կ․-ի մոտ են մեկնել ոստիկանության Շենգավիթի բաժնի ծառայողները, որտեղ վերջինս հայտնել է, որ պայուսակում եղել է գումար, օծանելիք և այլ անհրաժեշտ իրեր։

Շենգավիթի ոստիկանների կողմից հայտնաբերված Բորիս Պ․-ն կասկածվում է նշված կողոպուտը կատարելու մեջ, ով խոստովանել է արարքը, ինչից հետո ոստիկանության Շենգավիթի բաժնից նրան և դեպքի մասին ձևակերպված փաստաթղթերը ներկայացվել են ՀՀ Քննչական կոմիտեի Երևան քաղաքի քննչական վարչության Շենգավիթի քննչական բաժին։