Մատվիենկոն նախատեսում է այցելել Հայաստան (տեսանյութ)

Ռուսաստանը միշտ բաց է և պատրաստ է հարթակ տրամադրել Հայաստանի ու Ադրբեջանի խորհրդարանների նախագահներին՝ բանակցությունների համար, լրագրողների հետ զրույցում ասել է ՌԴ Դաշնային ժողովի Դաշնության խորհրդի փոխնախագահ Յուրի Վորոբյովը։

«Մենք շահագրգռված ենք, որ այն խնդիրները, որոնք պետք է լուծվեն և լուծվում են Հայաստանի ու Ադրբեջանի միջև, լուծվեն Ռուսաստանի աջակցությամբ»,– նշել է նա։

Վորոբյովը նաև հայտնել է, որ ՌԴ Դաշնային խորհրդի նախագահ Վալենտինա Մատվիենկոն հաջորդ տարի նախատեսում է այցելել Հայաստան։

«Ակնկալում ենք, որ հաջորդ տարի այստեղ՝ Հայաստանում, տեղի կունենա Դաշնության խորհրդի նախագահ Վալենտինա Իվանովնա Մատվիենկոյի հանդիպումը»,– նշել է նա՝ հավելելով, որ Մատվիենկոն ստացել է նման հրավեր։