Հղի չինուհին պարզել է, որ սպասում է միանգամից 9 երեխայի
Այլ
Հղի չինուհին պարզել է, որ սպասում է միանգամից ինը երեխայի, գրում է World of Buzz-ը։
Հոու անունով 25-ամյա կինն ասել է, որ երկար ժամանակ չի կարողացել հղիանալ և դիմել է բժշկի օգնությանը։ Կինը հետազոտվել է հիվանդանոցում, որտեղ նրա մոտ ախտորոշվել է էնդոմետրիումի բազմաթիվ կիստաներ և պոլիպներ, որոնք անպտղության պատճառ են դարձել։
Բժիշկները նրան բուժում են նշանակել, իսկ հոկտեմբերի վերջին Հոուն իմացել է իր հղիության մասին։ Ավելին՝ առաջին հետազոտությունը ցույց է տվել, որ նա եռյակի է սպասում։
«Ես այնքան ուրախ էի, երբ իմացա, որ հղի եմ: Երազանքս իրականացավ»,- իր հույզերով կիսվել է նա։
Սակայն նոյեմբերի կեսերին, երբ չինուհին գնացել էր երկրորդ ուլտրաձայնային հետազոտության, պարզվել է, որ ինը երեխա է ունենալու։
«Ես հիմա շատ անհանգիստ եմ: Նախկինում անհանգստանում էի, որ նա չի կարողանում հղիանալ, իսկ հիմա սպասում ենք ինը երեխայի»,- անկեղծացել է չինուհու ամուսինը։
ՈՒՂԻՂ ԵԹԵՐ
Ամենադիտված 
Մոսկվայում հայտարարվել է վտանգի «դեղին» աստիճան
