SMS-ով հրաժարականների պարտադրանքը շարունակվում է․ թիրախում Նարեկ Զեյնալյանն է․ Hraparak.am
Քաղաքական
Hraparak.am-ը գրել է․
Մենք տեղեկացանք, որ ԱԺ առողջապահության հարցերի մշտական հանձնաժողովի նախագահ Նարեկ Զեյնալյանը նույնպես «SMS է ստացել» եւ ընդունել ՀՀ վարչապետ Նիկոլ Փաշինյանի հորդորը` մանդատը վայր դնելու վերաբերյալ: Բացատրությունը մոտավորապես այսպիսին է եղել, որ չէր կարելի վարչապետի նշանակած կադրի` Քննչական կոմիտեի նախագահ Արգիշտի Քյարամյանի դեմ նման ելույթ ունենալ եւ նրան հեղինակազրկել:
Խոսքը, հիշեցնենք, հայտնի լսումների ժամանակ Նարեկ Զեյնալյանի ելույթի մասին է, որի ժամանակ նա դիտողություն արեց չափն անցած Քյարամյանին, որ դուք ձեր աշխատավայրում չեք` ձեռքով-ոտքով մի խոսեք պատգամավորների հետ, հարգալից արտահայտվեք:
Պատգամավորին վայել այս դիտարկումները, պարզվում է, Փաշինյանի սրտով չեն եղել` նա միայն «ուսապարկերին» է հանդուրժում եւ արժանապատիվ պահվածքի յուրաքանչյուր դրսեւորում իրեն ուղղված մարտահրավեր է համարում, իսկ Զեյնալյանը փորձել է երկրի գլխավոր քաղաքական մարմնի ներկայացուցչին վայել ելույթ ունենալ, ուստի անսպասելի չէ այս հորդորը:
Հիշեցնենք, որ մենք գրել էինք, այսօր ՔՊ վարչության նիստ է լինելու, որի ժամանակ որոշվելու է Նարեկ Զեյնալյանի և Հովիկ Աղազարյանի «ճակատագիրը»։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
