Քիմ Քարդաշյանը ցուցադրել է Tesla-ի նոր ռոբոտին. «Ծանոթացեք իմ նոր ընկերոջ հետ»

Քիմ Քարդաշյանը ներկայացրել է իր նոր՝ լյուքս դասի շքեղ խաղալիքը։ Երկուշաբթի օրը՝ նոյեմբերի 18-ին, SKIMS բրենդի հիմնադիրը տեսանյութ է հրապարակել X սոցիալական ցանցում (նախկինում՝ Twitter անունով), որտեղ ցուցադրել է իր նոր Tesla ռոբոտը։

«Հանդիպեք իմ նոր ընկերոջը՝ @Tesla-ին»,- մակագրել է նա։

Տեսանյութում 44-ամյա Քարդաշյանը Tesla ռոբոտին հարցնում է. «Կարո՞ղ ես սա անել՝ սիրում եմ քեզ»,- ձեռքերով ցույց տալով սրտի նշանը: Երբ ռոբոտն ավարտում է ժեստը, նա զարմացած բացականչում է. «Դու կարողանում ես դա անել»:

Մեկ այլ տեսանյութում, որը հրապարակվել է նրա ինստագրամյան Stories-ում, Քարդաշյանը ռոբոտին սովորեցրել է, թե ինչպես օդային համբույրներ ուղարկի եւ նրան հաղթել է նրա «Քար, թուղթ, մկրատ» խաղում:

«Դու այնքան լավն ես»,- բացականչում է Քիմը, իսկ ռոբոտը համբուրում է նրան:

Tesla-ի մարդանման ռոբոտների երկրորդ սերունդը, որը նաև հայտնի է որպես Optimus, ամբողջությամբ արտադրվելու է մինչև 2026 թվականը, հայտարարել է Tesla-ի գլխավոր տնօրեն Իլոն Մասկը: Ակնկալվում է, որ Tesla ռոբոտի արժեքը կկազմի 20-30 հազար դոլար: