Թափառող շունն օգնել է Պերուի լեռներում կորած բրիտանացի զբոսաշրջիկին գտնել ճանապարհը

Բրիտանացի բլոգերը, ով սոցցանցերում հայտնի է որպես El Güero Inglés, արշավի է գնացել Պերուի լեռներում գտնվող հայտնի Սանտա Կրուզ երթուղով: Բրիտանացին մի խումբ զբոսաշրջիկների հետ ծրագրել էր հասնել Պունտա Ունիոն լեռնանցք, որը գտնվում է մոտ 4500 մետր բարձրության վրա։

Սակայն ճանապարհորդության երկրորդ օրը թանձր մառախուղի պատճառով տղամարդը կորցրել է իր ուղեկիցներին, և միայնակ է մնացել ձյունառատ լանջերում։ Այդ պահին նրան անսպասելիորեն օգնության է հասել լեռնային շրջանների համար ոչ տիպիկ մի կենդանի՝ թափառող շուն։ Այս մասին պատմել է Daily Mail-ը։

Բրիտանացին որոշել է վստահել ընկերասեր տեսք ունեցող կենդանուն և ասել. «Հետ եմ մնացել իմ գիդից, ուրեմն դու ես այժմ իմ գիդը։ Հիմա դու ես ղեկավարը»: