Գիտնականները պարզել են համացանցի ազդեցությունը տարեցների հոգեկան առողջության վրա
Այլ
Հոնկոնգի համալսարանի չինացի գիտնականներն ուսումնասիրել են համացանցի ազդեցությունը մեծ տարիքային խմբի մարդկանց հոգեկան առողջության վրա: Պարզվել է, որ գլոբալ ցանցի տարեց օգտատերերն ավելի քիչ են տառապում դեպրեսիայից։ Հետազոտությունը հրապարակվել է Nature Human Behavior (NHB) գիտական ամսագրում:
Վերլուծությունն ընդգրկել է ավելի քան 87,5 հազար մարդու 23 երկրներից՝ 50 և ավելի բարձր տարիքի:
Պարզվել է, որ այն մասնակիցները, ովքեր ամեն օր կամ ամեն շաբաթ օգտվում են համացանցից, ավելի քիչ դեպրեսիայի ախտանշաններ ունեն և ավելի լավ են գնահատում իրենց առողջությունը՝ համեմատած նրանց հետ, ովքեր ավելի քիչ են օգտագործում կամ ընդհանրապես չեն օգտագործում այն:
Համացանցից օգտվելու և դեպրեսիայի ախտանիշների միջև բացասական կապն առավել ցայտուն է եղել 65 տարեկանից բարձր անձանց մոտ, ովքեր ամուսնացած չէին, ունեին բարձրագույն կրթություն, ունեին ավելի քիչ սոցիալական շփումներ, ալկոհոլ էին խմում շաբաթական մեկ անգամից պակաս և նստակյաց կյանք էին վարում, տառապում էին քրոնիկ հիվանդություններից և աշխատում էին ուսումնասիրության պահին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
