Վարդան Օսկանյանի նկատմամբ վարչական տույժ կիրառելու որոշում է կայացվել

ՀՀ նախկին ԱԳ նախարար Վարդան Օսկանյանի հիմնադրած «Համախմբում» կուսակցությունը, ըստ  Կոռուպցիայի կանխարգելման հանձնաժողովի,  չի ներկայացրել 2023 թվականի ֆինանսական աղբյուրների, ծախսերի, գույքի մասին հաշվետվությունը։ 

«Ազդարար» պաշտոնական կայքում զետեղված տեղեկատվության համաձայն՝  հանձնաժողովն արձանագրել է այս փաստը և կուսակցության պաշտոնատար անձ Վարդան Օսկանյանի նկատմամբ կիրառված որոշմամբ վարչական տույժ է սահմանվել՝ 50 հազար դրամի չափով։

Օսկանյանին Կոռուպցիայի կանխարգելման հանձնաժողովը  նաև նախազգուշացրել է կուսակցության գործունեությունը կասեցնելու հնարավորության մասին, եթե խախտումը 30-օրյա ժամկետում չվերացվի։