Պատին ամրացված բանանը վաճառվել է 6 միլիոն դոլարով (տեսանյութ)

Աշխարհի խոշորագույն աճուրդի տներից մեկում՝ Sotheby's-ում, պատին ամրացված բանանը վաճառվել է 6,2 մլն դոլարով։ Այս մասին հայտնում է Sotheby's-ը։

The Comedian ստեղծագործության հեղինակը իտալացի նկարիչ Մաուրիցիո Կատելանն է։ Լոտի նախնական արժեքը տատանվել է 1 միլիոնից 1,5 միլիոն դոլարի սահմաններում։ Աշխատանքը վաճառվել է 6,240,000 դոլարով։ Այն գնել է չինացի կոլեկցիոներ, TRON բլոկչեյն հարթակի հիմնադիր Ջասթին Սունը։

Սունն իր հերթին ձեռք բերված գործն անվանել է ոչ միայն արվեստի գործ, այլ մշակութային երևույթ։ Նա նաև խոստացել է բանանն ուտել և ընդգծել է, որ այն «կլինի եզակի գեղարվեստական ​​փորձի մի մասը»։