Հրապարակվել են Արեգակի նոր բարձրորակ պատկերներ

Հրապարակվել են Արևի մակերևույթի ամենաճշգրիտ և որակյալ պատկերները, որոնք արվել են Եվրոպական տիեզերական գործակալության (ESA) կողմից մշակված Solar Orbiter ապարատի միջոցով։ Արեգակի լուսանկարները հրապարակվել են կազմակերպության կայքում։

«Նայեք Արեգակի չորս նոր պատկերներին, որոնք ստացվել են Solar Orbiter–ի միջոցով՝ հավաքված բարձր լուծաչափով դիտարկումների հիման վրա»,- ասվում է ESA-ի հաղորդագրության մեջ:

Կազմակերպությունը նշում է, որ նոր նկարները կազմված են անցյալ տարվա մարտի 22-ին արված պատկերներից։ Յուրաքանչյուր «խճանկար», պնդում է գործակալությունը, բաղկացած է 25 պատկերից, որոնք նկարահանվել են ավելի քան չորս ժամվա ընթացքում: ESA-ն նշում է, որ բնօրինակ պատկերներում Արեգակի սկավառակի տրամագիծը գրեթե ութ հազար պիքսել է։

ESA-ի տվյալներով՝ նկարներն արվել են Արեգակից 74 միլիոն կիլոմետրից պակաս հեռավորության վրա։ Այս հեռավորությունը աստղից Երկիր հեռավորության մոտ կեսն է: Բացի այդ, տվյալների մշակման նոր տեխնոլոգիաների շնորհիվ, որոնք կհայտնվեն ապագայում, նման պատկերների պատրաստման գործընթացն ավելի արագ կընթանա։