Բիթքոինի փոխարժեքը գերազանցել է 99 000 դոլարը

Bitcoin-ի արժեքը գերազանցել է 99 հազար դոլարը՝ դրանով ևս մեկ անգամ թարմացնելով իր պատմական առավելագույնը։ Այս մասին են վկայում Binance հարթակի տվյալները։

Ըստ կայքի՝ այսօր երեկոյան կրիպտոարժույթի արժեքը հասել է 99 014 դոլարի։ Ներկայումս բիթքոյնը վաճառվում է 98,7-98,8 հազար դոլարի սահմաններում:

Մինչև նոյեմբեր՝ բիթքոյնի փոխարժեքի պատմական առավելագույնը գրանցվել է 2024 թվականի մարտին և կազմել է 73,7 հազար դոլար։ Նոր ռեկորդը սահմանվել է նոյեմբերի 6-ին՝ ԱՄՆ նախագահական ընտրությունների ֆոնին, որում հաղթել է հանրապետական ​​Դոնալդ Թրամփը։