Ջոնի Դեփի դուստրը չի սրտնեղում, որ իր մասնակցությամբ՝ էրոտիկ տեսարաններով «Կուռքը» սերիալը քննադատության է արժանացել․ «Նորմալ է, որ այն բոլորի համար չէ»

Լիլի-Ռոզ Դեփը ասում է, որ հավանել է The Idol-ը՝ չնայած սերիալի մասին հակասական արձագանքին, գրում է People-ը։

25-ամյա դերասանուհին Vanity Fair-ի հետ զրույցում նշել է, որ չի ափսոսում, որ նկարահանվել է The Weeknd-ի հետ HBO սերիալում, որը չեղարկվել է 2023 թվականի օգոստոսին՝ առաջին եթերաշրջանի թողարկումից հետո:

«Ես սիրում եմ այն: Անկեղծ եմ ասում»,-կիսվել է նա։ 

Շոուն պատմում է ծագող փոփ աստղի մասին (Դեպ), որը բարդ հարաբերությունների մեջ է մտնում գիշերային ակումբի տիրոջ հետ (The Weeknd):

«Մենք ինչ-որ բան ենք պատրաստում եւ հույս ունենում, որ այն մարդկանց պետք է դուր գա»,-շարունակել Է Դեփը,-«Բայց մենք միշտ գիտեինք, որ որոշ մարդկանց դա դուր չի գալու, իսկ ոմանց համար դա չափազանց շատ է լինելու: Բայց ես ֆիլմի կողքին եմ: Մենք որոշում կայացրինք եւ գնացինք դրա հետեւից»:

Դեփը բացատրել է, որ իրեն դուր է գալիս շփվել երկրպագուների հետ, ովքեր վայելել են սերիալը, որը ստեղծվել է Euphoria-ի հեղինակ Սեմ Լեւինսոնի կողմից:

Աղբյուր`  news.am