Նիկոլ Քիդմանն ասել է, որ չի խուսափել «Babygirl»-ի էրոտիկ տեսարաններից, քանի որ «միշտ ձգտում է դուրս գալ իր հարմարավետության գոտուց»

Նիկոլ Քիդմանը պատմել է, որ ինքը բնավ չի խուսափել «Babygirl» էրոտիկ թրիլլերի բաց տեսարաններից, հակառակը՝ ոգեւորված է, որ կարողացել է իրեն դրսեւորել նորովի եւ հերոսուհու պատմության մի մասը դառնալ, գրում է Daily Mail-ը:

57-ամյա դերասանուհին ուրբաթ երեկոյան ներկայանալու է Graham Norton Show-ին, որտեղ նրան կմիանան Wicked-ի աստղ Սինթիա Էրիվոն, դերասան Ջեյմս Նորթոնը, կատակերգու Քրիս ՄաքՔաուսլենդը եւ երգիչ Բենսոն Բունը:

Չաթ-շոուի ընթացքում Նիկոլը գովազդում է իր գալիք «Babygirl» ֆիլմը, որտեղ նա մարմնավորում է ամուսնացած մի կնոջ, ով ինտենսիվ սիրավեպ է սկսում մի երիտասարդ պրակտիկանտի հետ, որին մարմնավորում է 28-ամյա Հարիս Դիկինսոնը:

Երբ դերասանուհուն հարցրել են էրոտիկ եւ ինտիմ տեսարաններով հագեցած իր դերի մասին, նա պնդել է, որ դա իրեն չի հուզում: Օսկարակիր դերասանոհին ֆիլմը բնութագրել է որպես «տարօրինակ, բայց լավ իմաստով» ժապավեն, որն իրեն գրավել է, քանի որ բարձրացնում է կնոջ ձայնը:

«Այս ժանրի շատ ֆիլմեր, որոնք մենք տեսել ենք 90-ականներին, բխում էին տղամարդկանց տեսանկյունից, բայց սա այլ է, պատմվում է կնոջ տեսանկյունից»:

Երբ հաղորդավար Գրեհեմը հարցրել է՝ արդյոք նա երբեւէ տատանվե՞լ է արժի այդքան ինտիմ տեսարաններում նկարահանել, Նիկոլը պնդել է, որ ինքը միայն հուզված է, քանի որ միշտ ձգտում է դուրս գալ իր «հարմարավետության գոտուց»: Նա պատասխանել է. «Ոչ: Ինձ դուր է եկել սցենարը, ես սիրում եմ աջակցել ոլորտի կանանց, եւ ֆիլմը շատ լավն էր: Այն հուզիչ է եւ համարձակ, եւ ես միշտ ձգտում եմ դուրս գալ իմ հարմարավետության գոտուց»:

Նիկոլն իր 40-ամյա հոլիվուդյան կարիերայի ընթացքում չի վախեցել անցնել սահմանները․ ինչպես հայտնի է, 1999 թվականի «Լայն փակված աչքերով» ֆիլմում նա նկարահանվել է սեքսուալ տեսարանում այն ​​ժամանակվա ամուսնու՝ Թոմ Քրուզի հետ:

Գրող եւ ռեժիսոր Հալինա Ռեյնը բացատրել է, որ «Babygirl»-ը ոգեշնչված է Շերոն Սթոունի եւ Մայքլ Դուգլասի «Հիմնական բնազդ» սեքսուալ թրիլլերից եւ մի կնոջ պատմությունից, ով երբեք սեռական հաճույք չի ստացել իր 25-ամյա ամուսնության ընթացքում:

Աղբյուր` news.am