Պուտինը ԱՊՀ հետախուզությանը կոչ է արել կանխել ապակայունացումը Համագործակցության ներսում և հարևան երկրներում

ԱՊՀ երկրների հետախուզական ծառայությունների կառուցողական փոխգործակցությունը հատկապես անհրաժեշտ է ներկայիս աշխարհաքաղաքական լարվածության համատեքստում։ Կարևոր է կանխել ապակայունացումը Համագործակցության ներսում և հարևան երկրներում։ Այս մասին հայտարարել է ՌԴ նախագահ Վլադիմիր Պուտինը ԱՊՀ անդամ պետությունների անվտանգության մարմինների և հետախուզական ծառայությունների ղեկավարների 20-րդ հանդիպման ժամանակ իր ողջույնի խոսքում։ Ուղերձն ընթերցել է Ռուսաստանի Դաշնության արտաքին հետախուզության ծառայության ղեկավար Սերգեյ Նարիշկինը, փոխանցում է ՏԱՍՍ-ը։

«Այսօր բարդ աշխարհաքաղաքական պայմաններում ձեր կառուցողական փոխգործակցությունը հատկապես կարևոր է», - ասել է պետության ղեկավարը:

«Անհրաժեշտ է կանխել իրավիճակի ապակայունացումը ինչպես ԱՊՀ-ում, այնպես էլ հարակից տարածաշրջաններում բացասական միտումների և հավաքական անվտանգությանը հնարավոր սպառնալիքների համատեքստում։

Անվտանգության ամրապնդման համար հետախուզական ծառայությունները ոչ միայն պետք է ուսումնասիրեն սպառնալիքները, այլև «կանխատեսեն դրանց զարգացումը, փոխանակեն տեղեկատվություն և աշխատանքային փորձ։ Համոզված եմ, որ ներկա հանդիպումը նշանակալից փուլ կլինի գործընկերության խորացման համար՝ ի շահ մեր պետության և ժողովրդի, կծառայի համագործակցության ոլորտում խաղաղության և անվտանգության ամրապնդմանը», -ասել է ՌԴ նախագահը: