Ալեն Սիմոնյանը հոգեբանորեն, ընկերական խոսքերով ինձ ճնշեց, վիրավորված չեմ նրանից. Հովիկ Աղազարյան

Ես վիրավորված չեմ, շատ շնորհակալ եմ պարոն Ալեն Սիմոնյանին՝ իր մարդկային, էմոցիոնալ արտահայտությունների համար։ Այս մասին լրագրողների հետ զրույցում ասել է ԱԺ ՔՊ–ական պատգամավոր Հովիկ Աղազարյանը՝ մեկնաբանելով ավելի վաղ ԱԺ նախագահի վերաբերյալ ասած իր խոսքերը։

«Երբ որ ասացի, որ ավելի լավ էր՝ ինձ սպառնար, որովհետև այդ դեպքում ինձ համար ավելի հեշտ կլիներ պաշտպանվել՝ այդ իմաստով։ Բայց պարոն Սիմոնյանը հոգեբանորեն, ընկերական խոսքերով ինձ ճնշեց, և ես սա ասում եմ ամենայն ջերմությամբ։ Երկրորդ դեպքն է եղել իմ ընկերներից, որ դրական են ազդել ինձ վրա, իմ ներաշխարհի վրա։ Միանգամայն դրական իմաստով։ Իմ գլխին էն բերեց, որ հոգեբանորեն, ընկերական այդպիսի վիճակում դրեց, որ շատ էի դժվարանում հակառակվել իր փաստարկներին»,– ասաց նա։

Աղազարյանը վստահեցրեց, որ վիրավորված չէ ԱԺ նախագահից։