Մոսկվան ակնկալում է, որ Երևանը կվերսկսի աշխատանքը ՀԱՊԿ շրջանակներում. Զախարովա
Արտաքին Քաղաքական
Ռուսաստանն ակնկալում է, որ Հայաստանը կվերսկսի ակտիվ մասնակցությունը Հավաքական անվտանգության պայմանագրի կազմակերպության (ՀԱՊԿ) շրջանակներում։ Այս մասին չորեքշաբթի օրը կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովան այս համատեքստում ընդգծել է, որ Ռուսաստանը հարգում է յուրաքանչյուր պետության ինքնիշխան իրավունքը՝ որոշելու իր արտաքին քաղաքական կուրսը, ներառյալ ՀԱՊԿ-ի հետ փոխգործակցությունը։
«Դե յուրե Հայաստանը շարունակում է մնալ ՀԱՊԿ-ի լիիրավ անդամ, որը Հարավային Կովկասում անվտանգության, խաղաղության և կայունության ապահովման այլընտրանք չունեցող մեխանիզմ է», - ասել է Զախարովան։
Մոսկվան հույս ունի, որ թե՛ Հայաստանի, թե՛ ողջ տարածաշրջանի ապագա անվտանգության շահերից ելնելով՝ ՀԱՊԿ-ի շրջանակներում Երեւանի հետ գործընկերությունը լիովին կվերականգնվի, հավելել է նա։
«Մենք հաստատում ենք, որ այս փուլում Երևանի համար դռները բաց են ՀԱՊԿ-ում լայնածավալ համագործակցությանը վերադառնալու համար, մենք ակնկալում ենք, որ մեր հայ գործընկերները, հաղթահարելով կասկածները, կվերսկսեն համատեղ աշխատանքը»,- նշել է Զախարովան։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
