Գիտնականները զգուշացրել են ընթրիքի ժամանակ բջջային հեռախոս օգտագործելու վտանգների մասին

Գիտնականները նախազգուշացրել են ընթրիքի ժամանակ բջջային հեռախոս օգտագործելու վտանգների մասին, գրում է Daily Mail-ը։

Սուրբ Ծննդյան տոներին ընդառաջ փորձագետները կոչ են անում ուշադրություն դարձնել ընթրիքի սեղանին բջջային հեռախոսների օգտագործմանը։ Չեսթերի համալսարանի ֆիզիոլոգիայի ավագ դասախոս դոկտոր Գարեթ Նայը զգուշացնում է սմարթֆոնների վրա պահպանվող բակտերիաների հետ կապված հնարավոր ռիսկերի մասին, որոնք կարող են լուրջ հիվանդության պատճառ դառնալ:

Մասնագետները նշում են, որ հեռախոսների վրա կարող են գտնվել այնպիսի բակտերիաներ, ինչպիսիք են Pseudomonas aeruginosa-ն և Acinetobacter baumannii-ն, որոնք կարող են առաջացնել համապատասխանաբար շնչառական վարակներ և մենինգիտ: Բջջային սարքերի վրա կարող են նաև լինել բակտերիաներ, որոնք կապված են սննդային թունավորումների հետ:

Բժիշկ Նայը բացատրում է, որ հեռախոսների կեղտը գալիս է ձեռքերից, որոնք ամեն օր շփվում են բազմաթիվ մակերեսների, այդ թվում՝ զուգարանների հետ: Սա մեծացնում է սննդի օգտագործման ընթացքում բակտերիաների փոխանցման վտանգը: Փորձագետն ընդգծում է սմարթֆոնները մաքուր պահելու անհրաժեշտությունը հատկապես տոնական ընթրիքների ժամանակ։

Գիտնականները մի քանի խորհուրդ են տվել հեռախոսը մաքրելու համար։ Առաջին հերթին անհրաժեշտ է սարքն անջատել վարդակից և հեռացնել կափարիչը՝ այն լվանալով տաք օճառաջրով։ Կեղտը հեռացնելու համար խորհուրդ է տրվում նաև օգտագործել հատուկ մաքրող միջոցներ: