Վրաստանում հայտարարել են իշխանությունը բռնությամբ զավթելու փորձի մասին

Թբիլիսիում խորհրդարանի շենքի մոտ հակակառավարական ցույցերը վկայում են այն մասին, որ Վրաստանում տեղի է ունենում իշխանությունը բռնությամբ զավթելու փորձ։ Այս մասին ասվում է Վրաստանի Պետական ​​անվտանգության ծառայության հայտարարության մեջ, հաղորդում է ՏԱՍՍ–ը։

«Երկրում վերջին օրերին ընթացող իրադարձությունները ցույց են տալիս, որ ծրագրված դեստրուկտիվ գործընթացները տեղի են ունենում փաստացի հանգամանքներին համապատասխան, որոնք ձեռք են բերվել Պետական ​​անվտանգության ծառայության կողմից իշխանության բռնի բռնազավթման գործի քննության շրջանակներում։ Այս մասին մենք նախապես տեղեկացրել ենք հանրությանը»,- ասված է հաղորդագրությունում։

Պետական ​​անվտանգության ծառայությունում նաև նշել են, որ իշխանության բռնի զավթմամբ շահագրգռված են կոնկրետ քաղաքական կուսակցություններ և նրանց առաջնորդներ, ինչպես նաև հասարակական կազմակերպություններ։ «Վրաստանի խորհրդարանի տարածքի մոտ գործողությունների ժամանակ մարդկանց որոշակի խումբ փորձում է սադրանքներ կազմակերպել, որոնց նպատակը կոնկրետ քաղաքական կուսակցությունների առաջնորդների և հասարակական կազմակերպությունների ղեկավարների կողմից ապակառուցողական և բռնի սցենարների մշակումն է, որի հիմնական նպատակը իշխանությունը բռնի ուժով զավթելն է»,– ասվում է հայտարարության մեջ, որում նշված է նաև, որ որ Պետական ​​անվտանգության ծառայությունը հետաքննում է տեղի ունեցածը Վրաստանի Քրեական օրենսգրքի 315-րդ հոդվածով։