Սիրիան շարունակում է պայքարել ահաբեկչական կազմակերպությունների դեմ․ Ասադը՝ Իրանի ԱԳ նախարարին

Սիրիայի նախագահ Բաշար Ասադը Դամասկոսում հանդիպել է Իրանի արտգործնախարար Աբբաս Արաղչիի հետ:

Սիրիայի նախագահի գրասենյակից հայտնել են, որ Ասադը հանդիպման ժամանակ նշել է Սիրիայում ահաբեկչության դեմ պայքարում դաշնակիցների աջակցության կարևորությունը:

Ասադը հայտարարել է, որ Սիրիան շարունակում է լիովին պայքարել ահաբեկչական կազմակերպությունների դեմ: Սիրիայի նախագահը ընդգծել է, որ ահաբեկչությանը հակազդելը ծառայում է ոչ միայն Սիրիային, այլև ողջ տարածաշրջանի կայունությանն ու անվտանգությանը: 


Նախարար Արաղչին իր հերթին Ասադին է փոխանցել Իրանի ղեկավարության ուղերձը։ Դրանում հաստատվում է ահաբեկչության դեմ պայքարում Իրանի հաստատակամ մտադրությունը։ Թեհրանը լիակատար պատրաստակամություն է հայտնում համակողմանի աջակցություն ցուցաբերել Դամասկոսին, նշել է Իրանի ԱԳ նախարարը։