Հնդկաստանում 5,3 բալ ուժգնությամբ երկրաշարժ է գրանցվել

Հնդկաստանի հարավում գտնվող Տելանգանա նահանգում 5,3  բալ ուժգնությամբ երկրաշարժ է տեղի ունեցել։ Այս մասին հայտնում է Հնդկաստանի սեյսմոլոգիական կենտրոնը, փոխանցում է ՏԱՍՍ-ը։

Ստորգետնյա ցնցումները գրանցվել են ժամը 07:27-ին (Երևանի ժամանակով 05:57-ին) Մուլուգու շրջանում և զգացվել է նահանգի մայրաքաղաք Հայդերաբադում: Տելանգանայում հազվադեպ է սեյսմիկ ակտիվություն զգացվում, ուստի աղետը խուճապ է առաջացրել տեղի բնակչության շրջանում։

Զոհերի կամ մեծ ավերածությունների մասին տեղեկություններ չկան։ Իշխանությունները բնակիչներին խորհուրդ են տվել զգոն լինել և խուսափել մարդաշատ վայրերից կամ անապահով շինություններից: