Բայդենը և Թրամփը հեռախոսազրույց են ունեցել. NBC

ԱՄՆ նախագահ Ջո Բայդենը և ԱՄՆ նորընտիր առաջնորդ Դոնալդ Թրամփը հեռախոսազրույց են ունեցել անցյալ շաբաթ։ Այս մասին Euromedia24-ի փոխանցմամբ` ուրբաթ հայտնել է NBC հեռուստաալիքը՝ վկայակոչելով աղբյուրներին։

 

Նրանց խոսքով՝ Թրամփը զանգահարել է Բայդենին՝ մաղթելու նրան երջանիկ «Գոհաբանության օր», որը նշվել է ԱՄՆ-ում նոյեմբերի 28-ին։ Նրանց զրույցը եղել է կարճ և ոչ այնքան բովանդակալից, նշել են հեռուստաընկերության զրուցակիցները։

 

Այդուհանդերձ, NBC-ն ասում է, որ զանգը, ինչպես նաև նոյեմբերի 13-ին Սպիտակ տանը Թրամփի և Բայդենի նախորդ հանդիպումը, հուշում են, որ այս անգամ ընտրություններից հետո անցումային շրջանը տարբերվելու է 2020 թվականից:

 

Հանրապետական ​​Թրամփի երդմնակալությունը տեղի կունենա 2025 թվականի հունվարի 20-ին։ Մինչ այս պահը դեմոկրատ Բայդենը կշարունակի մնալ պետության ղեկավարը։