Սա իմ աշխատանքն է․ Մբապեն պատասխանել է իրեն քննադատողներին
Սպորտ
Ֆրանսիայի հավաքականի և Մադրիդի «Ռեալի» հարձակվող Կիլիան Մբապեն կիսվել է Լա Լիգայի 16-րդ տուրի «Ժիրոնայի» հետ խաղում իր տպավորությամբ։ Հիշեցնենք, որ խաղն ավարտվել է «Ռեալի» հաղթանակով (3:0), իսկ Մբապեն դարձել է իր թիմի երրորդ գոլի հեղինակը:
«Գոլ խփել ձախողված խաղերից հետո՞: Դա իմ աշխատանքի մասն է: Ես օգնում եմ թիմին և փորձում եմ դա անել յուրաքանչյուր խաղում՝ խաղալով բնավորությամբ և օգնելով հաղթանակների հասնել»,- փոխանցում է Մբապեի խոսքերը իսպանական AS պարբերականը:
Նշենք, որ ավելի վաղ Մբապեն քննադատության էր ենթարկվել ԶԼՄ-ների և փորձագետների կողմից վերջին խաղերում իր ցուցադրած անատամ խաղի համար:
Մբապեն ընթացիկ մրցաշրջանում մասնակցել է 21 խաղի՝ դառնալով 11 գոլի և 3 գոլային փոխանցման հեղինակ։
Աղբյուրը՝ Armsport.am
Ամենադիտված 
ՀՀ ՊՆ–ն հայտարարություն է տարածել
