Մագնիսական փոթորիկներ դեկտեմբերի 9-ից 15-ը. ովքե՞ր կարող են սրտի ցավ և ճնշման տատանումներ ունենալ

Առաջիկա շաբաթը՝ դեկտեմբերի 9-ից 15-ը, կարող է տհաճ անակնկալներ մատուցել եղանակից կախված մարդկանց։ Ըստ կանխատեսումների՝ առաջիկա օրերին Երկրին կարող են հարվածել մագնիսական փոթորիկներ։ Նախնական տվյալներով՝ դրանք այնքան հզոր չեն լինի, որքան անցյալ աշնանը։ Մանրամասնում է NEWS.ru-ն:

Ֆիզիկոս Անդրեյ Բուտովը NEWS.ru-ի հետ զրույցում ենթադրել է, որ եղանակի նկատմամբ զգայուն ռուսաստանցիների համար հաջորդ շաբաթը բավականին բարդ է լինելու։ Նրա խոսքով՝ տիեզերական եղանակը անկայուն կլինի։

«Շաբաթվա մեծ մասը մենք դիտելու ենք մագնիսական փոթորիկներ: Ամենայն հավանականությամբ, դրանք այնքան էլ հզոր չեն լինի, բայց կարող են ազդել շատերի վրա»,- պարզաբանել է Բուտովը:

Meteoagent-ի կանխատեսման ծառայության տվյալներով՝ դեկտեմբերի 10-ից 13-ը կդիտվի միջին մակարդակի մագնիսական փոթորիկներ։ Հաջորդ շաբաթավերջին մագնիտոսֆերայի վիճակը պետք է կայունանա։

Առայժմ Արեգակը գտնվում է համեմատաբար հանգիստ վիճակում, NEWS.ru-ին հայտնել է ՌԴ Գիտությունների ակադեմիայի Տիեզերական հետազոտությունների ինստիտուտի տնօրեն Անատոլի Պետրուկովիչը։ Դեկտեմբերի 9-ից 15-ը պետք չէ սպասել շատ ուժեղ մագնիսական փոթորիկների, նշել է նա։

Ըստ Վիբեի՝ մագնիսական փոթորիկների ժամանակ որոշ քաղաքացիների մոտ «մի փոքր ավելանում է սրտային իրադարձությունների հավանականությունը, սակայն այն կորչում է տարբեր սթրեսների ֆոնին, որոնց բախվում են մարդիկ կյանքում: 

Թերապևտ Վիկտորյա Կրասնովան NEWS.ru-ի հետ զրույցում նշել է, որ ուժեղ մագնիսական փոթորիկների օրերին իր հիվանդներից շատերի մոտ «տարբեր ախտանիշներ են գրանցվում»։ «Ամենից հաճախ մարդիկ դժգոհում են արյան ճնշման բարձրացումից կամ կտրուկ անկումից, ինչպես նաև ուժի կորստից։ Հենց այս ընթացքում են սրվում տարբեր քրոնիկական հիվանդություններ»,- ընդգծեց փորձագետը։

Թերապևտ Պավել Սմիրնովը եղանակից կախված մարդկանց խորհուրդ է տալիս մագնիսական փոթորիկների ժամանակ պահպանել որոշակի կանոններ, որպեսզի նվազագույնի հասցնեն դրանց ազդեցությունը առողջության վրա։

«Նման ժամանակահատվածներում պետք է ավելի շատ քայլել մաքուր օդում, պետք է ուշադրություն դարձնել ֆիզիկական ակտիվությանը։ Այնուամենայնիվ, ֆիզիկական ակտիվությանը պետք է մոտենալ առանց ֆանատիզմի, որպեսզի չծանրաբեռնեք ինքներդ ձեզ»,- NEWS.ru-ին պարզաբանել է Սմիրնովը։